Pad Homielem apahanili nadmahilny pomnik Michasia Žyźnieŭskaha
Na mohiłkach u vioscy Ściah Pracy Homielskaha rajonu nieviadomyja apahanili pomnik biełaruskaha Hieroja Ŭkrainy Michasia Žyźnieŭskaha, piša Radyjo Svaboda.
Pra heta paviedamiła siastra Michasia Natalla Žyźnieŭskaja.
«Mnie patelefanavali ź milicyi i skazali, što pomnik bratu zapeckany farbaj», — kaža Natalla.
Jana paviedamiła, što na pomniku brata čyrvonaj aerazolnaj farbaj zafarbavanyja biełaruski histaryčny hierb «Pahonia», a taksama dziaržaŭny hierb Ukrainy.
Natalla Žyźnieŭskaja razam z naradam milicyi pajechała na mohiłki vioski Ściah Pracy, dzie pachavany Michaś, a taksama jahonyja baćki, jakija pamierli sioleta.
Michaś Žyźnieŭski staŭ adnoj ź pieršych achviaraŭ sutyknieńniaŭ udzielnikaŭ Eŭramajdanu ź milicyjaj. Heta adbyłosia ranicaj 22 studzienia 2014 hodu, kali «Berkut» pajšoŭ u nastup va ŭradavym kvartale na vulicy Hrušeŭskaha, raźbirajučy barykady i zatrymlivajučy ludziej.