Pasoł Rasii prapanuje pieradać Hazpromu ŭnutrybiełaruskija hazavyja sietki
Pasoł Rasii ŭ Biełarusi Alaksandr Surykaŭ prapanavaŭ pieradać Hazpromu ŭnutrybiełaruskija hazavyja sietki, kab źnizić canu hazu dla biełaruskich spažyŭcoŭ. Pra heta jon skazaŭ u efiry telekanała «Mir».
«Voś kažuć — dajcie canu Smalenskaj vobłaści. Kali miascovyja sietki biełaruskija, jakija zajmajucca dalejšym pieraprodažam hazu paśla atrymańnia ad padraździaleńnia Hazproma, stanuć častkaj — arendnaj abo niejkaj častkaj Hazproma (nie abaviazkova ich kuplać), to tady heta cana skraznaja, hazpramaŭskaja — biez usialakich vyklučeńniaŭ», — zajaviŭ pasoł Rasii.