Futbalista pazbavili pryza najlepšamu hulcu praz rašeńnie sponsaraŭ, bo zanadta małady
Kryścijan Pulišyč, Wikimedia
Paŭabaronca dortmundskaj «Barusii» Kryścijan Pulišyč byŭ pryznany najlepšym hulcom matču z «Livierpulem» u ramkach Mižnarodnaha kubka čempijonaŭ (MKČ), adnak nie zmoh atrymać pryz. Pra heta paviedamlaje Independent.
Chaŭbek vyjšaŭ na pole ŭ druhim tajmie matča i zraŭniaŭ lik ź pienalci na 66-j chvilinie, zatym vyvieŭ niemcaŭ napierad na 89-j paśla kontrataki, a ŭ dadatkovy čas nanios udar, na dabivańni ź jakoha zabiŭ Jakab Bruna Łarsien.
Niahledziačy na heta, arhanizatary MKČ dali pryz najlepšaha hulca matča inšamu futbalistu — abaroncu «Livierpula» Virdžyłu van Dejku. Heta zdaryłasia praz toje, što trafiej spansavaŭ brovar Heineken. Pulišyču 19 hadoŭ, pa zakonie jon nie moža kuplać ałkahol i asacyjavacca z vytvorcami napojaŭ.
«Barusija» atrymała pieramohu nad «Livierpulem» ź likam 3:1.
Pulišyč vystupaje za niamiecki kłub z 2016 hoda. 14 vieraśnia taho ž hoda chaŭbiek debiutavaŭ u Lizie čempijonaŭ suprać polskaj «Lehii» i staŭ samym maładym hulcom «Barusii», jakija vychodzili ŭ matčy hetaha turniru.