Pjanaja haradzienka vykinuła raźbituju šklanku praz akno. I zajmieła kryminalnuju spravu
Pačałosia ŭsio z taho, što 31-hadovaja haradzienka, znachodziačysia ŭ siabie doma, raźbiła šklanku. Da śmietnicy askiepki vyrašyła nie nieści, a prosta vykinuć ich u akno.
Ale treba ž było takomu zdarycca, što raźbitaja šklanka trapiła ŭ aŭtamabil «Reno Sandera» i paškodziła jaho pakryćcio, paviedamlaje UUS Hrodzienskaha abłvykankama.
Na ranicu haspadar mašyny pabačyŭ paškodžańni i źviarnuŭsia ŭ milicyju. Asobu padazravanaj milicyjaniery vyznačyli i zaviali kryminalnuju spravu pa artykule «Chulihanstva».
Žančynie moža pahražać pakarańnie ad hramadskich prac da pazbaŭleńnia voli na try hady.