Eks-prezidenta Armienii abvinavacili ŭ źviaržeńni kanstytucyjnaha ładu
Śpiecyjalnaja śledčaja słužba (SSS) Armienii źviarnułasia ŭ sud z prośbaj aryštavać byłoha prezidenta krainy Robierta Kačarana, jaki kiravaŭ krainaj z 1998 pa 2008 hady.
«Były prezident Robiert Kačaran abvinavačvajecca ŭ tym, što z hrupaj ludziej zrynuŭ kanstytucyjny paradak u krainie paśla prezidenckich vybaraŭ 2008 hoda», — havorycca ŭ paviedamleńni pres-słužby viedamstva.
Kačarana abvinavačvajuć u padziejach 1-2 sakavika 2008 hoda. Napiaredadni ŭ krainie prajšli prezidenckija vybary. Kačaran da taho času ŭžo kiravaŭ dva terminy i bolš nie moh pretendavać na pasadu kiraŭnika dziaržavy. Jon padtrymaŭ kandydaturu premjer-ministra Armienii Sierža Sarhsiana, jaki i pieramoh na vybarach.
Prychilniki kandydata ad apazicyi Lavona Ter-Pietrasiana ładzili masavyja akcyi pratestu na płoščy Svabody ŭ Jerevanie. 1-2 sakavika palicyja žorstka razahnała pratestoŭcaŭ. 10 čałaviek zahinuli, mnohija atrymali ranieńni. Kačaran abviaściŭ 20-dzionnaje nadzvyčajnaje stanovišča, paśla jakoha adbylisia aryšty i čystki siarod lidaraŭ apazicyi.
Kačaranu pahražaje da 15 hadoŭ turmy.