Rasijskuju instahram-madel asudzili ŭ Biełarusi na try hady kałonii za pravoz marychuany praź miažu
Sud Maskoŭskaha rajona Bresta daŭ try hady pazbaŭleńnia voli hramadziancy RF Maryi Chreścinaj. Jana pryznana vinavataj u zachoŭvańni i pieravozcy marychuany praź miažu.
Maryja Chreścina — 26-hadovaja rasijskaja instahram-madel (u jaje 162 tysiačy padpisčykaŭ) była aryštavanaja ŭ mai 2018 na biełaruska-polskaj miažy.
Jak paviedamlaŭ Śledčy kamitet, jana nabyła na terytoryi Jeŭrasajuza i viezła s saboj nie mienš za 1,14 hrama marychuany. Adznačajecca, što i ŭ arhaniźmie madeli taksama vyjavili narkatyčnyja rečyvy.
Chreścina viartałasia na radzimu z padarožža pa Bałtycy i Polščy ŭ jakaści pasažyra lehkavika.
U dačynieńni Chreścinaj była raspačataja kryminalnaja sprava za niezakonnaje pieramiaščeńnie narkatyčnych srodkaŭ praź miažu Jeŭrazijskaha ekanamičnaha sajuza.
Abvinavačvanaj było pryznačana pakarańnie ŭ vyhladzie pazbaŭleńnia voli terminam na try hady biez kanfiskacyi majomaści z adbyćciom u papraŭčaj kałonii va ŭmovach ahulnaha režymu.