Pamočnik Pucina prapanavaŭ admianić u Rasii piensijny viek. Zamiest hetaha jon prapanuje kuplać staž
Urad Rasii abviaściŭ pra pavyšeńnie piensijnaha vieku. Reforma vyklikała abureńnie rasiejcaŭ. U apošnija vychodnyja lipienia ŭ niekalkich haradach Rasii prajšli akcyi pratestu.
Ekanamisty praciahvajuć prapanoŭvać alternatyŭnyja ŭradavamu varyjanty piensijnaj reformy. Biznes-ambudsmien Barys Citoŭ prapanavaŭ dać rasiejcam mahčymaść dakuplać staž, kali jany chočuć vychodzić na piensiju raniej, piša Bi-bi-si.
Ad piensijnaha vieku, na jaho dumku, naohuł možna admovicca. Ludzi pavinny vychodzić na piensiju pa dasiahnieńni peŭnaha stažu, jaki budzie zaležać ad ich rodu dziejnaści, patłumačyŭ jon.
Raniej Citoŭ prapanoŭvaŭ skasavać Piensijny fond i pieradać jaho funkcyi kaznačejstvu. Citoŭ taksama prapanoŭvaŭ admovicca ad abaviazkovaj nazapašvalnaj častki piensij.