Trahiedyja pad Pinskam: rasijanin pryjechaŭ na viasielle i sieŭ na rejki pierad ciahnikom
U Pinskim rajonie pasažyrski ciahnik źbiŭ mužčynu, jaki siadzieŭ na rejkach, paviedamiŭ BiełTA aficyjny pradstaŭnik UUS Bresckaha abłvykankama Siarhiej Dučenka.
Trahiedyja adbyłasia 6 žniŭnia a 2.39 nočy na pierahonie Jasielda — Pinsk. Mašynist ciahnika mižrehijanalnych linij Homiel — Brest ubačyŭ mužčynu, što siadzieŭ na rejkach. Na hudki ciepłavoza jon nie reahavaŭ. Daviałosia ekstrana tarmazić, ale paźbiehnuć najezdu nie ŭdałosia. Mužčyna zahinuŭ na miescy.
Śledča-apieratyŭnaja hrupa vyśvietliła asobu mužčyny. Im akazaŭsia 42-hadovy žychar Kiraŭskaj vobłaści Rasii, jaki 3 žniŭnia pryjechaŭ u hości ŭ Pinski rajon na viasielle da znajomaj. Kala hadziny nočy jon pajšoŭ z domu. Ciapier pravaachoŭniki vyśviatlajuć abstaviny zdareńnia.