Saŭmin choča pavialičyć spažyvańnie elektraenierhii ŭ krainie da 2025 hoda. Na heta vydatkujuć amal 8 miljardaŭ rubloŭ
Urad usurjoz zadumaŭsia ab tym, kudy padzieć liški elektraenierhii, jakija ŭźniknuć paśla pačatku ekspłuatacyi BiełAES. 6 žniŭnia ŭrad svajoj pastanovaj unios źmieny ŭ płan raźvićcia elektraenierhietyčnaj śfiery da 2025 hoda. Zaćvierdžany mižhalinovy kompleks mier pa pavieličeńni spažyvańnia elektraenierhii da 2025 hoda.
Pa vynikach realizacyi ŭsich jaho zapłanavanych mierapryjemstvaŭ pryrost spažyvańnia elektryčnaj enierhii čakajecca na ŭzroŭni 1650 miljonaŭ kVt*h u hod.
Dla hetaha spatrebicca 7 miljardaŭ 725,6 miljona rubloŭ, ź ich srodki biudžetu — 335,02 miljona rubloŭ.
Takim čynam urad choča stymulavać unutrany popyt na elektraenierhiju.