Strajk piłotaŭ Ryanair u Jeŭropie: kožny šosty rejs admianili
Piłoty Ryanair - najbujniejšaha łoukost-pieravozčyka Jeŭropy - abviaścili zabastoŭku ŭ piaci jeŭrapiejskich krainach. Admienienaja šostaja častka rejsaŭ pieravozčyka ŭ pik siezonu adpačynkaŭ, piša bbc.com.
Da 24-hadzinnaha strajku dałučylisia supracoŭniki avijakampanii ŭ Hiermanii, Šviecyi, Irłandyi, Bielhii i Niderłandach. Ab admienie 400 rejsaŭ paviedamili 50 tysiačam pasažyraŭ.
Hetaja akcyja stała najbujniejšaj u šerahu strajkaŭ pracaŭnikoŭ kampanii, jakija patrabujuć padvyšeńnia zarobkaŭ i palapšeńnia ŭmovaŭ pracy.
Prafsajuzy patrabujuć, kab kantrakty rabotnikaŭ Ryanair rehulavalisia zakonami krainy, dzie jany žyvuć, a nie zakanadaŭstvam Irłandyi.
Kiraŭnictva Ryanair nazvała strajki «prykrymi i nieapraŭdanymi» i śćviardžaje, što płacić svaim piłotam bolš, čym inšyja biudžetnyja avijakampanii. Avijalinii taksama zajavili, što prykładuć usie namahańni, kab źvieści da minimumu niazručnaści dla pasažyraŭ: «Bolšaści paciarpiełych klijentaŭ užo prapanavali inšyja rejsy Ryanair», - skazali tam.