Mužčyna skraŭ plašku šampanskaha, a pakul jaho dahaniali, paśpieŭ vypić
Zdareńnie adbyłosia ŭ Vilejcy. 32-hadovy mužčyna skraŭ u adnoj z kramaŭ plašku «Savieckaha šampanskaha» koštam siem rubloŭ, piša Rehijanalnaja hazieta.
— Mužčyna pryjšoŭ u kramu, uziaŭ plašku i nakiravaŭsia da vychadu, — raspavioŭ padrabiaznaści namieśnik načalnika Vilejskaha RASK Alaksandr Putyrski. — Pradaŭcy kazali jamu, što treba zapłacić, a toj adkazaŭ «mnie biez roźnicy» i vyjšaŭ z kramy.
Pradaŭcy biehli ŭśled, ale mužčyna płacić nie źbiraŭsia.
Bolš za toje, za hety čas jon užo paśpieŭ vypić šampanskaje.