Chadzili ŭ pralniu i apteku, a ŭ doždž advozili dadomu: u dačynieńni da pres-sakratara Pientahona zaviali rasśledavańnie
flickr.com
U dačynieńni da pres-sakratara Pientahona Dany Uajt viaduć rasśledavańnie pa abvinavačvańni ŭ złoŭžyvańni słužbovymi paŭnamoctvami, daviedaŭsia CNN.
U dačynieńni da Uajt byli padadzienyja niekalki skarhaŭ. U ich havorycca, u pryvatnaści, pra toje, što pradstaŭnik vajskovaha viedamstva prymušała padnačalenych vykonvać jaje asabistyja daručeńni, uklučajučy vizity ŭ pralniu i apteku, advozić jaje dadomu ŭ drennaje nadvorje i prynosić abied.
Supracoŭniki taksama zajavili pra toje, što pres-sakratar Pientahona prymušała ich pracavać nad svajoj zajaŭkaj na ipateku i inšymi asabistymi dakumientami, arhanizoŭvać adpačynak i naviedvańnie sałona pryhažości.
Uajt, jak vynikaje z zajavaŭ paciarpiełych, pomściła supracoŭnikam, kali tyja na jaje skardzilisia.
Rasśledavańnie viadzie ofis hienieralnaha inśpiektara Minabarony ZŠA. U ramkach pravierki byli apytanyja bolš za dziesiać supracoŭnikaŭ Pientahona, raspaviali krynicy CNN. Unutranyja praviły Minabarony ZŠA zabaraniajuć daručać jaho rabotnikam zadańni, nie źviazanyja z vykanańniem prafiesijnych abaviazkaŭ.