Pad zavałami mosta ŭ Hienui znajšli mašynu z zahinułaj siamjoj. Ahulnaja kolkaść achviar — 41 čałaviek
U Hienui ratavalniki znajšli na miescy abvału mosta jašče adnu mašynu z zahinułymi — mužam i žonkaj z 9-hadovaj dačkoj. Takim čynam, zaraz viadoma pra 41 achviaru, piša italjanskaje ahienctva Ansa.
Aŭtamabilny most vyšynioj 45 mietraŭ abrynuŭsia ŭ italjanskaj Hienui dniom 14 žniŭnia padčas navalnicy. Zahinuli niekalki dziasiatkaŭ čałaviek, jakija znachodzilisia ŭ mašynach na moście i ŭnizie, kudy ŭpali abłomki. Urad Italii ŭskłali adkaznaść na kampaniju, jakaja zajmałasia absłuhoŭvańniem mosta.