Mahiloŭski «čorny ryełtar», jakoha prysudzili da śmiarotnaha pakarańnia, spyniŭ haładoŭku
Prysudžany da pakarańnia śmierciu Ihar Hieršankoŭ skončyŭ pratestavać suprać cenzury ŭ SIZA №1. Adzin z tak zvanych «čornych ryełtaraŭ» Ihar Hieršankoz, jaki čakaje rasstrełu ŭ minskim śledčym izalatary № 1, spyniŭ haładoŭku.
Pra heta raspaviała jaho maci Ludmiła Hieršankova, jakaja atrymała ad syna list:
— Nakolki ja zrazumieła, jon skončyŭ haładoŭku, kali atrymaŭ paśla dvuch miesiacaŭ čakańnia adkaz z Hienieralnaj prakuratury na svaju skarhu ab katavańniach padčas śledstva pa svajoj spravie. Ciapier jon jašče čakaje adkaz na skarhu ad Departamienta vykanańnia pakarańniaŭ, — raspaviała Hieršankova.
Ihar Hieršankoŭ abviaściŭ haładoŭku 27 červienia. Pryčynaj stała toje, što jaho listy i skarhi ź SIZA №1 nie prapuskali. Jon i jaho maci rascanili heta jak sprobu cisku na viaźnia. Sam Hieršankoŭ taksama nie atrymlivaŭ listy- - u tym liku adkaz z Hienieralnaj prakuratury, jakoha jamu daviałosia čakać dva miesiacy. Pa słovach maci, kali karespandencyja stała dachodzić, jon vyrašyŭ, što damohsia svajoj mety, i spyniŭ haładoŭku.
Mahiloŭca Ihara Hieršankova i jaho zmoŭščyka Siamiona Bieražnoha asudzili na śmiarotnaje pakarańnie pa spravie tak zvanych «čornych ryełtaraŭ» u lipieni 2017 hoda. Jašče dvoje fihurantaŭ — Taćciana Hieršankova i Barys Kaleśnikaŭ — atrymali 24 i 22 hady źniavoleńnia adpaviedna.
Pa viersii śledstva, z 2009 pa 2015 hod «čornyja ryełtary» zabivali ŭładalnikaŭ kvater, kab zavałodać ich nieruchomaściu.