Hienprakuror Ukrainy: U spravie ab zabojstvie Šaramieta jość «adna nitačka»
U rasśledavańni spravy ab hibieli adnaho z kiraŭnikoŭ vydańnia «Ukrainskaja praŭda», biełaruskaha žurnalista Paŭła Šaramieta za apošni miesiac źjaviłasia «nitačka», pa jakoj iduć «aktyŭnyja śledčyja dziejańni». Ab hetym skazaŭ u intervju UP hienieralny prakuror Juryj Łucenka.
«Za apošni miesiac my majem adnu nitačku, jakaja, mahčyma, pryviadzie nas da adkazu ŭ hetym pytańni. Ja trymaju heta na svaim kantroli. Iduć vielmi aktyŭnyja śledčyja dziejańni. Kropka. Bolš ničoha nie skažu», - skazaŭ jon.
U toj ža čas hienprakuror paćvierdziŭ, što ŭ hetaj spravie da hetaha času paśla dvuch hadoŭ rasśledavańnia niama padazravanych.
«U nas ciapier jość infarmacyja, imavierna vyviedzie nas jak minimum na vykanaŭcaŭ, a zatym i na zakazčykaŭ. Ale mahčyma. Padkreślivaju heta słova», - kaža Łucenka.