Siarhiej Skrypal pierastaŭ vychodzić na suviaź?
Svajaki byłoha pałkoŭnika HRU Siarhieja Skrypala padazrajuć, što jaho niama ŭ žyvych, bo jon nie vychodzić na suviaź. Pra heta ahienctvu ria.ru raskazała jaho plamieńnica Viktoryja Skrypal.
Pa słovach žančyny, u ŚMI taksama niama jaho fatahrafij paśla atručvańnia ŭ brytanskim horadzie Sołśbiery.
Viktoryja raspaviała, što dačka Siarhieja Skrypala Julija ŭ apošni raz źviazvałasia z rodnymi ŭ dzień naradžeńnia babuli Aleny Jakaŭleŭny ŭ kancy lipienia.
Tady Julija paviedamiła, što baćka idzie na papraŭku, adnak jon nie moža razmaŭlać z-za trachieastomy. Pry hetym jana paabiacała, što, jak tolki trubku vymuć, mužčyna patelefanuje rodnym.