Kurapackich vandałaŭ adpuścili

13 listapada ŭ kurapackaj spravie praviali vočnuju staŭku. Siabry Kanservatyŭna‑Chryścijanskaj partyi BNF Aleh Śvirydaŭ i Aleś Makaŭ naviedali śledčy adździeł milicyi Mienskaha rajonu ŭ Baraŭlanach.

Śledčyja praviali vočnuju staŭku.

1 listapada Makaŭ i Śvirydaŭ zatrymali na memaryjalnym kompleksie Kurapaty dvuch padletkaŭ, jakija paśpieli złamać piać kryžoŭ.

11 listapada paśla pravierki milicyjanty pačali kryminalnuju spravu. Śledčyja paviedamlali, što padletkaŭ da sudu buduć trymać pad vartaj. Ale 13 listapada maładyja ludzi pryjšli na vočnuju staŭku z baćkami.

Mieraj strymańnia dla padletkaŭ vyrašyli abrać padpisku pra niavyjezd.

Śledčy eksperyment z vyjezdam va ŭročyšča Kurapaty pieranieśli na inšuju datu, bo ŭčora ŭ Miensku byŭ husty tuman.

Kamientary da artykuła