Makiejn pakinuŭ pryhožaje pasłańnie krainie
Sienatar ad amierykanskaha štata Aryzona, Džon Makiejn, pierad śmierciu napisaŭ pasłańnie da svajoj krainy, jakoje apublikavaŭ telekanał NBC News.
Makiejn pamior u subotu ad raku mozhu. Niezadoŭha da hetaha jon spyniŭ lačeńnie, bo jano nie prynosiła vynikaŭ.
U pieradśmiarotnym pasłańni sienatar padziakavaŭ amierykancam za padtrymku i mahčymaść słužyć svajoj krainie jak vajskoviec i jak palityk. Jon nazvaŭ siabie samym ščaślivym čałaviekam na Ziamli i skazaŭ, što nie pramianiaŭ by nivodnaha samaha kiepskaha dnia svajho žyćcia na najlepšy dzień u žyćci inšaha čałavieka.
Makkiejn abviaściŭ, što žyŭ u najvialikšaj respublicy, hramadzianie jakoj vyzvalili ad tyranii i biednaści najbolšuju kolkaść ludziej za ŭsiu historyju. Jon zaklikaŭ nie ŭpadać u adčaj ad siońniašnich prablem i «nie chavacca ad historyi», a «rabić historyju».
Jak adznačaje telekanał, zvarot krytykuje palityku prezidenta ZŠA Donalda Trampa, choć jon ni razu nie zhadvajecca tam pa imieni. U pryvatnaści, Makiejn vykazvaje sumnievy ŭ pravilnaści mihracyjnaj palityki Biełaha doma.
«My asłablajem našu vielič, kali błytajem patryjatyzm z kłanavaj varožaściu, jakaja pryvodzić da nianaviści i hvałtu pa ŭsim śviecie. My sasłablajem jaje, kali chavajemsia za ścienami, zamiest taho kab razburać ich», — havorycca ŭ zvarocie.