Bresckija čyhunačniki vykapali tunel, kab kraści salarku
U Breście supracoŭniki ŭpraŭleńnia pa baraćbie z ekanamičnymi złačynstvami zatrymali hrupu čyhunačnikaŭ, jakija krali dyzielnaje paliva ź ciepłavozaŭ. Padrabiaznaści BIEŁTA paviedamiŭ aficyjny pradstaŭnik UUS abłvykankama Siarhiej Dučenka.
Pavodle źviestak milicyjantaŭ, złačynnaja schiema vyhladała nastupnym čynam. Pobač z čyhunkaj złamyśniki arandavali haraž, u jakim pastavili śpiecyjalnyja paliŭnyja pompy i jomistaści dla kradzienaha paliva. Ad haraža da čyhunki jany praśvidravali tunel z trubapravodam. Ciepłavoz padhaniali da damoŭlenaha miesca na zapasnoj kalainie. Paśla hetaha adzin z čyhunačnikaŭ padłučaŭ šłanh da paliŭnaha baka i pa radyjostancyi paviedamlaŭ pra hatoŭnaść. Jaho saŭdzielnik u haražy uklučaŭ pompu, i jany adpampoŭvali paliva.
Pry ahladzie haraža pravaachoŭniki vyjavili kala 1500 litraŭ dyzielnaha paliva. Na mužčyn pačali kryminalnuju spravu za prysvajeńnie abo rastratu, učynienyja paŭtorna abo hrupaj asob pavodle papiaredniaj zmovy.