U Estonii minimalny zarobak pavysiać da 540 jeŭra, heta ŭ čatyry razy bolš, čym u Biełarusi
Centralny sajuz pracadaŭcaŭ Estonii i centralny sajuz prafsajuzaŭ Estonii paviedamili ŭ sieradu, što zaviaršyli pieramovy pa staŭcy minimalnaha zarobku. Takim čynam z nastupnaha hoda jana mahła b skłaści 540 jeŭra ŭ miesiac i 3,21 jeŭra za hadzinu, piša postimees.ee
Pavodle siońniašniaha kursu heta 629 dalaraŭ, abo 1 300 biełaruskich rubloŭ.
Praŭleńnie Centralnaha sajuza prafsajuzaŭ Estonii abmiarkuje pytańnie ab staŭcy minimalnaj zarpłaty 25 vieraśnia, a pracadaŭcy — 19 vieraśnia.
Pahadnieńnie pa minimalnaj zarpłacie źjaŭlajecca pašyranaj viersijaj kalektyŭnaj damovy na najvyšejšym uzroŭni, što aznačaje, što dakumient paśla śćviardžeńnia stanie abaviazkovym dla ŭsich pracadaŭcaŭ ŭ Estonii. Nižej za hetu staŭku pracadaŭcy nie majuć prava płacić svaim rabotnikam zaniatym poŭny pracoŭny dzień.
Zaraz u Estonii minimalny zarobak — 500 jeŭra ŭ miesiac.
U Biełarusi minimalny zarobak składaje 305 rubloŭ (kala 125—130 jeŭra, uličvajučy vahańni jeŭrapiejskaj valuty).