Cud u Mahilovie: dzicia ŭpała z 7-ha paviercha i zastałosia žyvoje
U Mahilovie viečaram 2 vieraśnia z 7-ha paviercha vypała adnahadovaje dzicia. Chłopčyk ciapier znachodzicca ŭ reanimacyi, pra abstaviny zdareńnia pakul ničoha nie viadoma.
Adnahadovaje dzicia pastupiła ŭ reanimacyju Mahiloŭskaj abłasnoj dziciačaj balnicy viečaram paśla 17.00, paćvierdziŭ TUT.BY hałoŭny ŭrač ustanovy Ihar Kasko.
— Stan stabilny. Jość paškodžańni škileta, kantuzija ŭnutranych orhanaŭ. Ale žyćciopahražalnych paškodžańniaŭ niama, — skazaŭ jon.
Ihar Kasko vykazaŭ zdahadku, što ŭdar dziciaci ab ziamlu pry padzieńni źmiakčyli kusty abo drevy.