Žadańni Łukašenki nie padabajucca Vašynhtonu
Raźmiaščeńnie rasijskich rakietnych kompleksaŭ «Iskander» ŭ Biełarusi nia budzie spryjać zachavańniu stabilnaści, zajaviŭ 14 listapada aficyjny pradstaŭnik Dziarždepartamientu ZŠA,
Raźmiaščeńnie rasijskich rakietnych kompleksaŭ «Iskander» na terytoryi Biełarusi nie budzie spryjać zachavańniu stabilnaści ŭ jeŭrapiejskim rehijonie. Pra heta zajaviŭ 14 listapada aficyjny pradstaŭnik Dziarždepartamienta ZŠA Robiert Vud, kamientujučy vykazvańni Alaksandra Łukašenki ŭ intervju haziecie The Wall Street Journal.
«My ŭžo šmatrazova zajaŭlali, što sistema PRA nie skiravana suprać Rasii abo Biełarusi», — skazaŭ R.Vud.
Pradstaŭnik Dziarždepartamienta padkreśliŭ, što Złučanyja Štaty «chacieli b bolš ciesna supracoŭničać i mieć dobryja adnosiny ź Biełaruśsiu i biełaruskim narodam». «I my praciahvajem zaklikać urad Biełarusi vykonvać svaje mižnarodnyja abaviazacielstvy ŭ śfiery svabody schodaŭ i pravoŭ čałavieka. Dla palapšeńnia adnosin Biełaruś pavinna ich vykonvać», — zajaviŭ R.Vud.
U intervju The Wall Street Journal A.Łukašenka zajaviŭ, što Biełaruś płanuje ŭ pierśpiektyvie pastavić na ŭzbrajeńnie apieratyŭna‑taktyčnyja rakiety «Iskander» — «jak tolki ŭ nas źjaviacca hrošy».
Biełaruski prezident padkreśliŭ, što padtrymlivaje Rasiju ŭ jaje adkazie na amierykanskuju PRA ŭ Jeŭropie, jaki maje na ŭvazie raźmiaščeńnie rakiet «Iskander» u Kalininhradskaj vobłaści.