Novy liŭnievy kalektar prajektujuć u Minsku, kab vyrašyć prablemy padtapleńnia
Novy kalektar dla vyrašeńnia prablemy padtapleńniaŭ vulic stalicy pabudujuć u rajonie Minskaj kalcavoj aŭtadarohi. Pra heta paviedamiŭ hałoŭny inžynier UP «Harramliŭnieściok» Alaksiej Filčankaŭ siońnia na pres-kanfierencyi ŭ Minsku.
U ciapierašni čas viadziecca prajektavańnie abjekta. Jon dazvolić źniać nahruzku z kalektara «Paŭdniovy Zachad», jaki pracuje ŭ napružanym režymie. «Da jaho padłučanyja CEC i vodaačyščalnaja stancyja, jakija pastajanna skidajuć vadu, što padčas apadkaŭ vyklikaje pierapaŭnieńnie liŭnievaj kanalizacyi ŭ niekatorych miescach. Zaraz viadziecca prajektavańnie kalektara vialikaha dyjamietra dla pieranakiravańnia vod pradpryjemstvaŭ na ačyščalnyja zbudavańni ŭzdoŭž MKAD. Adpaviedna, zdymucca niekatoryja prablemy ŭ Maskoŭskim i Frunzienskim rajonach», — adznačyŭ Alaksiej Filčankaŭ.
Budujucca taksama kalektary vialikich dyjamietraŭ u Łošycy i rajonie CEC-4, raspracavana kompleksnaja prahrama raźvićcia sietak daždžavoj kanalizacyi. Usiaho, pa dadzienych MNS, u Minsku naličvajecca 150 učastkaŭ, dzie ŭ vypadku vialikich apadkaŭ mohuć uźnikać padtapleńnia. U śpis uklučany i tyja miescy, u jakich takaja prablema ŭźnikała choć by adzin raz.