Mienskija dynamaŭcy zavajavali srebra
Skončyŭsia čempijanat Biełarusi pa futbole 2008 hodu.
U niadzielu, 16 listapada, prajšoŭ 30-ty tur čempijanatu Biełarusi pa futbole ŭ vyšejšaj lizie.
Los siarebranych medaloŭ vyrašyŭsia ŭ Mahilovie, dzie mienskija «dynamaŭcy» pieramahli «Savit», što pakidaje vyšejšy dyvizijon, ź likam 4:1.
MTZ-RIPA, prajhraŭšy ŭ Homieli (1:3, pryčym mienčuki lik adkryli ŭ matčy), zastaŭsia na trecim miescy. U traktarystaŭ takim čynam – bronza.
Astatnija vyniki:
«Lakamatyŭ» Miensk – «Dynama» Bieraście – 2:0, BATE – FK «Viciebsk» – 1:1, «Šachcior» Salihorsk – «Daryda» Mienski rajon – 1:0, «Naftan» Navapołack – «Tarpeda» Žodzina – 0:0, «Smarhoń» – «Dniapro» Mahiloŭ – 1:0, «Hranit» Mikaševičy – «Nioman» Horadnia – 1:1.
Turnirnaje stanovišča: BATE – 67, Dynama Miensk – 62, MTZ-RIPA – 57,
Šachcior – 51, Viciebsk – 51, Dynama Bieraście – 47, Naftan – 46, Smarhoń – 39, Dniapro – 38, Hranit – 36, Homiel – 33, Nioman – 33, Tarpeda – 31, Lakamatyŭ – 25, Savit – 21, Daryda – 19.
Vyšejšuju lihu pakidajuć «Daryda», «Savit», «Lakamatyŭ».
Ź pieršaj lihi ŭ vyšejšuju vyjšaŭ tolki adzin klub – FK «Miensk», bo ŭ nastupnym hodzie ŭ čempijanacie budzie 14 kamand. Rehlament toj ža, jak letaś: try kamandy pakinuć vyšejšy dyvizijon, kab sastupić miesca adnamu klub.
U sezonie-2010 čempijanat raspačnuć 12 kamandaŭ, kali, naturalna, u nas ničoha nie pamianiajecca.
***
Što praŭda, sezon jašče nia skončany.19 listapada zbornaja Biełarusi na Kipry praviadzie tavaryski matč sa zbornaj hetaj krainy.
20 listapada projduć dva matčy ŭ adkaz 1/8 Kubku Biełarusi: «Miensk» – BATE, «Tarpeda» – «Viciebsk».
***
Nu i BATE ŭ Lizie čempijonaŭ zhulaje 25 listapada z «Reałam», jaki ŭ subotu prajhraŭ u haściach «Valjadalidu»,
a 10 śniežnia z «Juventusam».