Bieły dom pryhraziŭ Asadu nieadkładnym adkazam u vypadku novaj chimataki
Kali ŭ Siryi adbudziecca novaja ataka z vykarystańniem chimičnaj zbroi, ZŠA i sajuźniki daduć nieadkładny i adpaviedny adkaz. Pra heta havorycca ŭ novaj zajavie Biełaha doma, jakaja tyčycca situacyi ŭ pravincyi Idlib.
U zajavie paćviardžajecca raniej vykazanaje Donaldam Trampam śćviardžeńnie, što padobnaja ataka budzie «biezrazvažnaj eskałacyjaj i biez taho trahičnaha kanfliktu» i pastavić pad pahrozu žyćci sotniaŭ tysiač ludziej. «Naša pazicyja zastajecca niaźmiennaj: kali prezident Bašar Asad znoŭ abiare šlach vykarystańnia chimičnaj zbroi, ZŠA i sajuźniki daduć nieadkładny i adpaviedny adkaz», — padkreślili ŭ Biełym domie.
Raniej z anałahičnaj pieraściarohaj Donald Tramp źviarnuŭsia da ŭładaŭ Rasii i Irana, pakazaŭšy na niebiaśpieku nastupu ŭ pravincyi Idlib. «Ruskija i irancy ździejśnili b surjoznuju humanitarnuju pamyłku, pryniaŭšy ŭdzieł u hetaj patencyjnaj čałaviečaj trahiedyi … Nie dazvalajcie hetamu zdarycca!» — zajaviŭ Tramp, kamientujučy paviedamleńni ab padrychtoŭcy nastupu łajalnych Bašaru Asadu sił.
Pravincyja Idlib na poŭnačy Siryi zastajecca adnym ź niešmatlikich rehijonaŭ krainy, jakija zastajucca pad kantrolem terarystaŭ i ŭmieranaj apazicyi. U Idlib byli evakujavanyja roznyja farmiravańni bajevikoŭ ź inšych pravincyj, jakija apynulisia pad kantrolem aficyjnaha Damaska.