Tramp zajaviŭ, što nikoli nie abmiarkoŭvaŭ mahčymaści zabojstva Asada
Donald Tramp, jaki pryniaŭ u Biełym domie emira Kuviejta šejcha Sabacha IV al-Achmad al-Džaber as-Sabacha, paviedamiŭ, što nikoli nie abmiarkoŭvaŭ mahčymaść zabojstva prezidenta Siryi Bašara Asada, piša Radyjo Svaboda.
Pra toje, što ŭ krasaviku 2017 hoda Tramp vykazvaŭ namier źniščyć Asada, paviedamiŭ viadomy žurnalist Bob Vudvard u knizie «Strach. Tramp u Biełym domie».
Pavodle Vudvarda, paśla praviedzienaj siryjskim režymam chimičnaj ataki Tramp prapanavaŭ ministru abarony ZŠA Džejmsu Metysu «pazbavicca» ad Asada. Metys addaŭ pieravahu bolš tradycyjnaj stratehii dziejańniaŭ.
Tramp čarhovy raz vykazaŭ sumnieŭ u kampetentnaści Vudvarda (adnaho z najbolš viadomych amierykanskich žurnalistaŭ) i padkreśliŭ, što jahonuju knihu varta ličyć tvoram mastackaj litaratury.
Tramp taksama paviedamiŭ, što jon budzie «vielmi złosny», kali «bojnia» ŭ pravincyi Idlib budzie praciahvacca — raniej vojski Asada pačali nastup u hetaj pravincyi.