Kiraŭnik chryścijanskich demakrataŭ Jeŭrasajuza zaklikaŭ vyzvalić Sieviarynca
Prezident najbujniejšaj partyi Jeŭrasajuza — Jeŭrapiejskaj narodnaj partyi (JENP) — Žazef Dol u svaim Twitter-akaŭncie 7 vieraśnia vykazaŭ mocnuju zaniepakojenaść parušeńniem pravoŭ čałavieka ŭ Biełarusi.
«Ułady musiać vyzvalić sustaršyniu BCHD Sieviarynca i aktyvistaŭ, a taksama harantavać svabodu słova i mirnych schodaŭ», — cytuje sajt BCHD vykazvańnie Žazefa Dola.
Hetymi dniami pradstaŭniki biełaruskaj pravacentrysckaj kaalicyi pryniali ŭdzieł u Palityčnaj asamblei JENP u Brusieli.
Francuzski palityk Žazef Dol źjaŭlajecca deputatam Jeŭraparłamienta, sa studzienia 2007 hoda — lidaram frakcyi Jeŭrapiejskaj narodnaj partyi ŭ Jeŭraparłamiencie, ź listapada 2013 hoda — prezidentam Jeŭrapiejskaj narodnaj partyi.
Nahadajem, što arhanizatar pratestaŭ u Kurapatach, sustaršynia arhamiteta pa stvareńni partyi «Biełaruskaja chryścijanskaja demakratyja» Pavieł Sieviaryniec byŭ zatrymany 5 vieraśnia, a 6 vieraśnia asudžany na 10 sutak aryštu.