Druhaja śmierć sałdata ŭ armii za tydzień: cieła znajšli ŭ lesie
Ilustracyjny zdymak.
«8 vieraśnia kala 18:00 u lesie znojdziena cieła vajskoŭca adnoj z vajskovych častak Hrodzienskaha harnizona, jaki pakinuŭ vajskovuju čaść 5 vieraśnia i znachodziŭsia ŭ vyšuku», — takaja infarmacyja raźmieščana na sajcie Ministerstva abarony.
27-hadovy vajskoviec prasłužyŭ kala 16 miesiacaŭ. Pa vynikach papiarednich śledčych dziejańniaŭ, pryčyna śmierci maje vielmi asabisty charaktar, pra što śviedčyć znojdzienaja pry im pieradśmiarotnaja zapiska.
Pa fakcie hibieli pravodzicca pravierka Śledčym kamitetam i kamisijaj Ministerstva abarony. Vajennaje viedamstva vykazvaje spačuvańni rodnym vajskoŭca i akaža nieabchodnuju dapamohu.
Na hetym tydni Ministerstva abarony ŭžo paviedamlała pra samahubstva sałdata ŭ Słonimskim harnizonie. U paviedamleńni taksama było skazana, što pryčyna suicydu nie źviazanaja z vajskovaj słužbaj.