Dzie pracujuć kamandziry, adchilenyja paśla suicydaŭ sałdataŭ
Na dniach były načalnik 72-ha hvardziejskaha abjadnanaha vučebnaha centra ŭ Piečach, pałkoŭnik Kanstancin Čarniecki vystupaŭ u sudzie ŭ jakaści śviedki. Jon pryjšoŭ na praces pa spravie ab hibieli radavoha Alaksandra Koržyča, kab dać pakazańni.
Jak stała viadoma TUT.BY z krynic, znajomych ź situacyjaj, Čarniecki ŭznačaliŭ adno z upraŭleńniaŭ ŭ Ministerstvie abarony.
Paśla trahiedyi ŭ Piečach, kali ŭ padvale miedycynskaj roty byŭ znojdzieny trup radavoha Alaksandra Koržyča z majkaj na hałavie i źviazanymi nahami, načalnik 72-ha hvardziejskaha abjadnanaha vučebnaha centra padrychtoŭki praparščykaŭ i małodšych śpiecyjalistaŭ Uzbrojenych siłaŭ byŭ adchileny ad pasady.
Va Uzbrojenych siłach taksama zastaŭsia słužyć były kamandzir vajskovaj častki 25849 Barysava Uładzimir Žylevič, dzie ŭ sakaviku 2017 hoda skončyŭ žyćcio samahubstvam Arciom Baściuk.
Zaraz jon kamandzir v/č 33196 u Barysavie. U samoj častcy hetuju infarmacyju paćvierdzili, adnak razmaŭlać z žurnalistami Uładzimir Valerjevič nie staŭ.
— My možam paćvierdzić, što i Kanstancin Čarniecki, i Uładzimir Žylevič u svoj čas byli vyzvalenyja ad zajmanych pasadaŭ, u dalejšym pryznačanyja na nižejšyja pasady. Usio astatniaje — heta słužbovaja infarmacyja, — prakamientavaŭ TUT.BY Uładzimir Makaraŭ, aficyjny pradstaŭnik Minabarony.