Miensk. Nasta Černik-Rymašeŭskaja
chronika apazycyi
U piatnicu, 14 listapada Nastu Černik-Rymašeŭskuju, žonku Vitala Rymašeŭskaha, sustaršyni arhkamitetu pa stvareńni BCHD vyklikali ŭ KDB dla dačy pakazańniaŭ.
Kala vośmaj hadziny viečara supracoŭniki KDB patelefanavali dadomu siamji Rymašeŭskich i nastojvali na vizicie žonki sustaršyni u KDB. Pa słovach Nasty Černik-Rymašeŭskaj, joj nie chacieli kazać, ź jakoj nahody jaje vyklikajuć, ale paśla paviedamili, što, mahčyma, pa spravie 3-4 lipienia. Paśla taho, jak Nasta admoviłasia pryjści ŭ KDB, joj prapanavali inšy varyjant: supracoŭniki mohuć sami pryjechać za pakazańniami da jaje dadomu ŭ hety ž viečar. Zrazumieła, ad hetaha Nasta taksama admoviłasia.
Takija nieadekvatnyja pavodziny supracoŭnikaŭ KDB mocna aburyli siamju Rymašeŭskich. Sama Nasta hetyja vykliki źviazvaje z pracaj jaje muža – kiraŭnictvam arhkamitetam pa stvareńni BCHD i, vierahodna, z tym, što Vital Rymašeŭski – mahčymaja kandydatura ad BCHD na čakajemych prezidenckich vybarach.