Minčuk schavaŭsia ŭ pryjaciela ad vypłaty alimientaŭ. Toj zabiŭ jaho siakieraj
Złačynstva adbyłosia sioleta ŭ sakaviku. U milicyju patelefanavała žycharka vioski Paviałkova Dziaržynskaha rajona i raspaviała, što ŭ domie ŭ susieda ŭbačyła cieła mužčyny z prykmietami zabojstva.
Vyśvietliłasia, što pamierłym byŭ 39-hadovy žychar Minska. Milicyja zatrymała 60-hadovaha padazravanaha, jaki źjaŭlajecca haspadarom doma, paviedamlaje Śledčy kamitet.
Paciarpieły na praciahu miesiaca žyŭ u zatrymanaha — jon chavaŭsia ad učastkovaha, jaki jaho šukaŭ z-za niavypłačanych alimientaŭ.
Zatrymany viaskoviec raspavioŭ, što ŭ toj dzień jany razam vypivali. U niejki momant hość staŭ abražać haspadara, vyhaniać jaho z chaty, i jany pabilisia. Padčas bojki abvinavačvany schapiŭ siakieru i šmat razoŭ udaryŭ siakieraj kryŭdziciela pa hałavie.
Mužčynu abvinavačvajuć u zabojstvie z asablivaj žorstkaściu. Sprava pieradadzienaja ŭ prakuraturu dla nakiravańnia ŭ sud.