Chočaš napisać biestsieler? Prychodź da nas!
Škoła maładoha piśmieńnika pry HA «Sajuz biełaruskich piśmieńnikaŭ» — adziny ŭ Biełarusi prajekt u farmacie creative writing school. Naša Škoła nie navučyć vas pisać, ale jana dakładna palepšyć jakaść vašaha piśma, daść navyki napisańnia tekstaŭ roznych žanraŭ i pavysić litaraturnuju abaznanaść.
Z 2012 hoda Škoła pravodzić niefarmalnuju adukacyju dla darosłych. Na praktyčnych zaniatkach z pastajannymi vykładčycami, na lekcyjach i majstar-kłasach najviadomiejšych navukoŭcaŭ i litarataraŭ maładyja, apantanyja litaraturaj ludzi vučacca čytać i pisać prozu, słuchać siabie dy analizavać tvory kalehaŭ. My nie stavim asablivych abmiežavańniaŭ pa ŭzroście: u našaj Škole mohuć vučycca ludzi ad 18 hadoŭ da plus biaskoncaści, z usich rehijonaŭ Biełarusi!
U jakaści pryjemnych bonusaŭ — prafiesijnaje redahavańnie vašych tekstaŭ, mahčymaść apublikavać svaje tvory ŭ litaraturnych vydańniach: časopisie «Dziejasłoŭ» i štomiesiačniku «Litaraturnaja Biełaruś» (dadatku da haziety «Novy Čas»), štohadovym kalektyŭnym zborniku vypusknikoŭ Škoły. Najlepšyja aŭtary atrymajuć mahčymaść vydać ułasnuju knihu ŭ sieryi SBP «Punkt adliku».
Navučańnie ŭ škole — biaspłatnaje.
Jak padać zajaŭku ŭ Škołu maładoha piśmieńnika?
Umovy pastupleńnia:
* Zajaŭka na adras shkola.pismennika@gmail.com
U zajaŭcy: 1) ułasny prazaičny mastacki tekst luboha žanru na biełaruskaj albo ruskaj movie abjomam 2-5 staronak; 2) matyvacyjny list z adkazam na pytańnie, čamu vy chočacie vučycca ŭ Škole piśmieńnika; 3) śpis z 5-10 knih, jakija na vas paŭpłyvali najbolš.
Praviły afarmleńnia zajaŭki:
* Tema lista: Škoła 2018-2019
* Vašyja prozu, matyvacyjny list i śpis knih dasyłajcie razam adnym fajłam u farmacie doc. Na pieršaj staroncy paznačcie svajo imia i proźvišča, adras pražyvańnia, datu naradžeńnia, e-mail i kantaktny numar telefona.
* Fajł nazavicie łacinkaj nastupnym čynam — «vašaje proźvišča, nižniaje padkreślivańnie, vašaje imia», naprykład:
Pashkevich_Alaiza.doc
Bahdanovich_Maksim.doc
*Zajaŭki dla pastupleńnia na kurs 2018-2019 dasyłajcie na adras shkola.pismennika@gmail.com da 21 vieraśnia 2018 h.
Zajaŭki nie recenzujucca. Pryjom pavodle konkursu. Pra vyniki pryjomnaj kampanii budzie paviedamlena na pačatku kastryčnika na sajcie lit-bel.org i ŭ paštovaj rassyłcy na adrasy, padadzienyja ŭ zajaŭkach.