Ekzarch Varfałamieja ŭ Kijevie: Pytańnie ab pradastaŭleńni aŭtakiefalii ŭžo vyrašanaje
Pytańnie ab pradastaŭleńni aŭtakiefalii pravasłaŭnaj carkvie va Ukrainie ŭžo vyrašanaje. Pra heta ŭ paniadziełak, 17 vieraśnia, na sustrečy z prezidentam Ukrainy Piatrom Parašenkam zajaviŭ ekzarch Suśvietnaha patryjarchata archijepiskap Pamfilijski Daniił, pieradaje vydańnie «Hardon».
«Na hety raz my pryjechali z nadzvyčajnaj misijaj. My pradstaŭlajem asabista Suśvietnaha patryjarcha Varfałamieja i adnačasova Śviaty sinod Suśvietnaha (Kanstancinopalskaha) patryjarchata, kab praciahnuć pracu nad ŭžo vyrašanym pytańniem, što praces pradastaŭleńnia aŭtakiefalii ŭkrainskaj pravasłaŭnaj carkvie pačaŭsia», — skazaŭ archijepiskap.
Parašenka vykazaŭ mierkavańnie, što Kijevu ŭdałosia vyjści na finišnuju pramuju ŭ pytańni atrymańnia aŭtakiefalii. Na jaho dumku, adzinaja carkva stała b znakam «uźjadnańnia krainy, abjadnańnia śvietu, łaski, jakija b spryjali narešcie abjadnańniu i pravasłaŭnaj viery, i ŭkrainskaj dziaržavy».