Pucin i Erdahan damovilisia nie pravodzić apieracyju ŭ siryjskim Idlibie
Kiraŭnik Minabarony Rasii Siarhiej Šajhu zajaviŭ, što novaj vajennaj apieracyi ŭ siryjskim Idlibie nie budzie.
Fota: kremlin.ru.
Raniej u Sočy zaviaršylisia čatyrochhadzinnyja pieramovy Pucina i Erdahana, paviedamlaje «RIA Novosti». U chodzie sustrečy lidary damovilisia da 15 kastryčnika stvaryć uzdoŭž linii sudakranańnia ŭ siryjskaj pravincyi Idlib demilitaryzavanuju zonu hłybinioj 15-20 kiłamietraŭ.
«Apazicyja, jakaja kantraluje hetyja terytoryi, praciahnie zastavacca tam, ale razam z tym sumiesna z Rasijaj my budziem namahacca likvidavać usie radykalnyja hrupy z hetych terytoryj. My prykładziem usie namahańni dla hetaha», — zajaviŭ Erdahan.
Pry hetym jon dadaŭ, što dasiahnutaja z Rasijaj damoŭlenaść dazvolić paźbiehnuć humanitarnaj katastrofy ŭ rehijonie.