«Hulnia tronaŭ» atrymała «Emi» ŭ hałoŭnaj katehoryi
Pa vynikach 70-j cyrymonii ŭručeńnia ŭznaharod «Emi» pryz u samaj prestyžnaj katehoryi «Najlepšy dramatyčny sieryjał» dastaŭsia «Hulni tronaŭ», stvoranaj kanałam HBO. Tranślacyju vioŭ telekanał NBC.
Siomamu siezonu «Hulni tronaŭ» udałosia apiaredzić hałoŭnaha kankurenta — uładalnika premii za minuły hod «Apovied słužanki», jaki pakazvajecca na kanale Hulu.
Najlepšym kamiedyjnym sieryjałam stała historyja «Dziŭnaja misis Miejzieł» ab chatniaj haspadyni, jakaja žyvie ŭ ZŠA ŭ kancy 1950-ch. Hety sieryjał atrymaŭ adrazu piać uznaharod. Tak, najlepšaj aktrysaj była pryznana Rejčał Brosnachen, jakaja syhrała ŭ im hałoŭnuju rolu.
Najlepšym akcioram pryznali Mećju Ryza, jaki syhraŭ savieckaha nielehała ŭ zaklučnym siezonie sieryjała «Amierykancy», jaki pakazvaŭsia na kanale FX.
Prahrama Saturday Night Live atrymała ŭznaharodu «Emi» 72-y raz, što źjaŭlajecca rekordam dla hetaj uznaharody.
Pryz za karotki sieryjał atrymała «Zabojstva Džani Viersače». Uznaharodu atrymaŭ i Derył Kryz, jaki syhraŭ zabojcu italjanskaha dyzajniera.
Uznaharoda «Emi» ŭručajecca ad 1949 hodu Amierykanskaj televizijnaj akademijaj.