Pryznačanyja novyja kiraŭniki ŭ Pinsku, Lepieli i Brasłavie, a deputat Markievič staŭ vice-hubiernataram Minščyny
Alaksandr Łukašenka daŭ zhodu na pryznačeńnie kiraŭnikoŭ miascovych vykanaŭčych i rasparadčych orhanaŭ.
Na pasadu staršyni Pinskaha rajvykankama ŭzhodnieny Ihar Brylevič, jaki da ciapierašniaha času pracavaŭ na pasadzie dyrektara sielskahaspadarčaha pradpryjemstva filijała «Nieviel» AAT «Pinski miasakambinat».
U svaju čarhu ciapierašni staršynia Pinskaha rajvykankama Valeryj Rabkaviec uzhodnieny na pasadu pieršaha namieśnika staršyni Bresckaha abłvykankama.
Michaił Kisialevič budzie kiravać Lepielskim rajvykankamam, a jaho papiarednik Barys Jafremaŭ zojmie pasadu namieśnika staršyni Viciebskaha abłvykankama. Raniej Michaił Kisialevič pracavaŭ na pasadzie pieršaha namieśnika staršyni, načalnika ŭpraŭleńnia pa sielskaj haspadarcy i charčavańniu hetaha ž rajvykankama.
Brasłaŭski rajvykankam uznačalić Alaksandr Badanin. Jaho papiaredniaja pasada — namieśnik staršyni Miorskaha rajvykankama.
Akramia taho, Alaksandr Łukašenka daŭ zhodu na pryznačeńnie parłamientaryja Ivana Markieviča namieśnikam staršyni Minskaha abłvykankama