Kreml admoviŭsia anansavać adkaz Maskvy na hibiel Ił-20 u Siryi
Kreml vielmi zaniepakojeny padziejami, źviazanymi z hibiellu rasijskaha vajennaha samalota Ił-20 u Siryi, adnak davać acenki i anansavać svaje dalejšyja kroki nie budzie. Pra heta zajaviŭ pres-sakratar prezidenta Rasii Dźmitryj Piaskoŭ
«Pa našym źbitym samalocie mahu tolki skazać, što ŭ Kramli vielmi zaniepakojenyja ŭ suviazi z hetaj situacyjaj. Poŭnaja acenka dadziena ŭ zajavie Minabarony. Prezident hłyboka spačuvaje ŭsim rodnym i blizkim, kaleham členaŭ ekipaža źbitaha samalota», — skazaŭ Piaskoŭ.
Pradstaŭnik Kramla rastłumačyŭ, što nie budzie anansavać dalejšyja kroki. «Ja zaraz nie budu davać nijakich acenak. Situacyja analizujecca. Pieršyja dadzienyja byli ahučanyja ŭ zajavie Minabarony. Vielmi niedvuchsensoŭnaja była dadziena acenka dziejańniam. Niama nieabchodnaści što-niebudź dadavać», — adkazaŭ jon na pytańnie, ci varta čakać, što katastrofa paŭpłyvaje na adnosiny ź Izrailem.
Piaskoŭ syšoŭ ad adkazu na pytańnie pra mahčymaść taho, što Pucin patelefanuje premjeru Izraila Bieńjamin Nietańjachu. U toj ža čas jon paviedamiŭ žurnalistam, što siońnia ŭ prezidenta mohuć adbycca «adna abo bolš telefonnych razmovaŭ». «Nie budziem anansavać, prainfarmujem», — dadaŭ pres-sakratar.