Sud pa spravie Koržyča prypynili da 8 kastryčnika
18 vieraśnia na pracesie ŭ spravie ab śmierci Alaksandra Koržyča skončyli vyvučeńnie materyjałaŭ spravy. Prakuror Šarśnioŭ dadatkova apytaŭ abvinavačanych siaržantaŭ Baranoŭskaha, Skuratoviča i Viaževiča ab ahučanych imi faktach fizyčnaha i psychalahičnaha ŭździejańnia z boku supracoŭnikaŭ KDB, učynienych padčas śledztva. Paśla čaho padaŭ chadajnictva ab prypynieńni razhladu spravy ŭ suviazi ź nieabchodnaściu praviadzieńnia pravierki dadzienych siaržantami pakazańniaŭ, piša Radyjo Svaboda.
Pravierku budzie pravodzić Śledčy kamitet, jana zojmie kala dziesiaci dzion. Sudździa chadajnictva prakurora zadavoliŭ, razhlad spravy ab śmierci Alaksandra Koržyča praciahniecca 8 kastryčnika.
Taksama sa słovaŭ dziaržaŭnaha abvinavaŭcy stała zrazumieła, što padčas pierapynku na pracesie Koržyča abvinavačanyja siaržanty vystupiać u jakaści paciarpiełych na pracesach staršaha lejtenanta Sukavienki i praparščyka Virbała. Hetyja pracesy pavinny pačacca nieŭzabavie.