U Baranavičach na prypynku chłopcu prałamali čerap
Incydent adbyŭsia 14 vieraśnia, kala 22 hadzin, na aŭtobusnym prypynku ŭ Baranavičach, paviedamlaje Intex-Press.
U milicyju źviarnulisia miedyki, jakija raspaviali, što da ich dastavili 27-hadovaha maładoha čałavieka ź pierałomam łobnych kostak i šmatlikimi pierałomami kaściej čerapa.
Vyśvietliłasia, što chłopiec razam ź siabram stajaŭ na prypynku, da ich padyšoŭ nieznajomy chłopiec. Pamiž imi pačaŭsia kanflikt. Nieznajomy niekalki razoŭ udaryŭ mužčynu, adzin z udaraŭ byŭ nahoj u tvar.
Jak vyśvietlili supracoŭniki pravaachoŭnych orhanaŭ, napadnikam byŭ 20-hadovy chłopiec. Jaho zatrymali.
Suprać jaho raspačali kryminalnuju spravu pa č.1 art. 147 KK Biełarusi. Padazravanamu pahražaje da vaśmi hadoŭ pazbaŭleńnia voli.