Pačaŭsia druhi etap kompleksnaj pravierki vojskaŭ, z zapasu pryzyvajuć 650 čałaviek
Druhi etap kompleksnaj pravierki hatoŭnaści i zdolnaści złučeńniaŭ i voinskich čaściej Uzbrojenych Sił vykanać zadačy pa pryznačeńni pačaŭsia 24 vieraśnia, paviedamlaje pres-słužba Ministerstva abarony.
Da pravierki pryciahvajucca orhany vajennaha ŭpraŭleńnia apieratyŭnaha i taktyčnaha uzroŭniaŭ, voinskija častki bajavoha i techničnaha zabieśpiačeńnia.
Zapłanavany pastaŭka mabilizacyjnych resursaŭ z vajskovych kamisaryjataŭ, kamplektavańnie vajennaj i śpiecyjalnaj technikaj za košt źniaćcia transpartnych srodkaŭ, jakija znachodziacca na praciahłym zachoŭvańni i atrymanyja ź dziaržaŭnych orhanaŭ i arhanizacyj, a taksama atrymańnie materyjalnych srodkaŭ sa składoŭ i baz zachoŭvańnia.
Płanujecca pryzvać z zapasu kala 650 čałaviek, atrymać kala 20 adzinak techniki.
Pravierka dazvolić vyznačyć uzrovień zładžanaści orhanaŭ upraŭleńnia, zdolnaść kamandziraŭ kiravać padnačalenymi voinskimi čaściami i padraździaleńniami ŭ roznych umovach abstanoŭki, padraździaleńniaŭ — vykonvać pastaŭlenyja zadačy.
Zavieršycca pravierka štabnymi treniroŭkami i taktyka-admysłovymi vučeńniami.