Babrujčanin abrabavaŭ kafe: zabraŭ 19 šakaładak
17 vieraśnia 29-hadovy babrujčanin zajšoŭ u kafe «Lubimaje miesca». Mužčyna na vačach u pradaŭca skraŭ šakaładnyja batončyki, jakija stajali ŭ vazie na stojcy, — usiaho 19 štuk na sumu 7 rubloŭ 90 kapiejek. Chłopiec prosta schapiŭ ich i ŭciok.
Rabotniki kafe źviarnulisia ŭ milicyju. Z dapamohaj kamier videanazirańnia asobu mužčyny vyśvietlili. Jaho zatrymali i aryštavali.
Pravaachoŭnikam chłopiec pryznaŭsia: «Tak chaciełasia sałodkaha — nie zmoh strymacca».
Padazravany nidzie nie pracuje. Raniej byŭ sudzimy — taksama za rabavańnie.
Suprać jaho raspačali kryminalnuju spravu pa častcy 2 artykuła 206 (rabavańnie). Jamu pahražaje abmiežavańnie voli na termin da piaci hadoŭ abo pazbaŭleńnie voli na termin ad dvuch da šaści hadoŭ.