BiełAZ źbirajecca raspracavać elektrasamazvał, a taksama adpravić u Rasiju bieśpiłotnyja mašyny
BiełAZ sumiesna z kanadskaj kampanijaj raspracuje elektrasamazvał, paviedamiŭ hienieralny dyrektar pradpryjemstva Piotr Parchomčyk, paviedamlaje BiełTA.
«My pa hetym startapie raźličvajem atrymać finansavańnie ad kanadskaha ŭrada. Užo jość spažyviec — mižnarodnaja hornazdabyŭnaja kampanija ArcelorMittal», — skazaŭ Piotr Parchomčyk.
Jon taksama adznačyŭ, što prablema raspracoŭki takoha samazvała ŭ tym, što isnujučyja akumulatarnyja batarei dazvalajuć samazvału pracavać na praciahu troch-čatyroch hadzin paśla zaradki.
«Nam treba, kab chacia b vosiem hadzin, potym samazvał padzaradzić na praciahu 20-30 chvilin — i pajechaŭ dalej. Kali my hetuju zadaču vyrašym, to takaja technika budzie», — dadaŭ hiendyrektar BiełAZa.
Taksama kiraŭnik paviedamiŭ, što BiełAZ da kanca 2018 hoda pastavić u Rasiju pieršyja bieśpiłotnyja samazvały.