Stała viadoma sapraŭdnaje imia «Bašyrava», jon atrymaŭ Hieroja Rasii za padziei va Ukrainie
Sapraŭdnaje imia Rusłana Bašyrava, jaki abvinavačvajecca ŭ zamachu na Skrypaloŭ, — Anatol Čapiha. Pra heta havorycca ŭ treciaj častcy rasśledavańnia Bellingcat i The Insider.
Pavodle rasśledavańnia, Anatol Čapiha naradziŭsia ŭ Amurskaj vobłaści. Jon skončyŭ Dalokaŭschodniaje vyšejšaje ahulnavajskovaje kamandnaje vučylišča i trapiŭ na słužbu ŭ 14-ju bryhadu śpiecnaza HRU. Čapiha trojčy byŭ u kamandziroŭcy ŭ Čačni; u 2014 hodzie Pucin prysvoiŭ jamu zvańnie Hieroja Rasii.
Paviedamlajecca, što hetaje zvańnie jamu dali za ŭdzieł u niejkaj «miratvorčaj misii». Pad «miratvorčaj misijaj» majecca na ŭvazie, chutčej za ŭsio, uvarvańnie va Ukrainu (vajennaja apieracyja Rasii ŭ Siryi tady jašče nie pačałasia) — i sapraŭdy, padraździaleńnie Čapihi było zaŭvažana pobač ź miažoj Ukrainy ŭ kancy 2014 hoda. Adnak jakija podźvihi ździajśniaŭ hety «Hieroj Rasii», pakul niezrazumieła.