Jakija vioski syšli pad vadu, kali byli stvoranyja biełaruskija vadaschoviščy KARTY
Historyk Uładzimir Sadoŭski stvaryŭ cykł kart «Padvodnaja Biełaruś».
«Zamuciŭ nievialički hrafična-hieahrafičny prajekt, pryśviečany bujnym vadaschoviščam Biełarusi. Usie jany paŭstali paśla vajny i pry ich pabudovie zataplivalisia vialikija terytoryi, ale raniej na tych ziemlach raźmiaščalisia vioski, lasy, pali i bałoty. U svaim prajekcie ja ŭpisaŭ u sučasny kontur vadaschoviščaŭ tyja miaściny, jak jany vyhladali na mapach 1940 hoda», — napisaŭ u fejsbuku Sadoŭski.