Upieršyniu ŭ historyi čałaviek zaraziŭsia virusam hiepatytu E ad pacuka
Sapraŭdnaje adkryćcio ździejśnili niadaŭna navukoŭcy, zafiksavaŭšy vypadak zaražeńnia čałavieka hiepatytam Je ad pacuka.
Hetym čałaviekam staŭ 56-hadovy žychar Hankonha, jakomu niadaŭna pierasadzili piečań.
Kali pacyjent zdavaŭ analizy, miedyki byli ŭražany anamalnymi pakazčykami raboty piečani. Pryčyn dla takoha fienomienu nie było. Jak pakazali nastupnyja daśledavańni stanu jaho zdaroŭja — mužčynu padchapiŭ pacukovy virus hiepatytu Je.
Vyśvietliłasia, što niepadalok ad jaho doma žyvie mnostva pacukoŭ. Miedyki ličać, što chvarobu jon padchapiŭ praz toje, što ŭ jaho arhanizm praź ježu trapiŭ pacučyny pamiot. Paśla transpłantacyi orhana imunitet byŭ słaby, i arhanizm nie moh samastojna pieramahčy virus.