Rumas sustreŭsia z pradstaŭnikom MVF
Siońnia premjer Siarhiej Rumas sustreŭsia sa staršym pastajannym pradstaŭnikom MVF u rehijonie Centralnaj, Uschodniaj i Paŭdniova-Uschodniaj Jeŭropy Nadzimam Iłachi.
Fota: BiełTA.
Rumas adznačyŭ, što MVF zaŭsiody razhladaŭsia ŭ jakaści važnaha i nadziejnaha partniora. Urad taksama nadaje vialikaje značeńnie raźvićciu supracoŭnictva.
Siarhiej Rumas akcentavaŭ uvahu, što novy kurs urada budzie nakiravany na pavyšeńnie kankurentazdolnaści ekanomiki, umacavańnie instytutaŭ rynku i pryvatnaj ułasnaści, praviadzieńnie ŭzvažanaj makraekanamičnaj palityki.
U svaju čarhu Nadzim Iłachi pavinšavaŭ Siarhieja Rumasa z pryznačeńniem na pasadu. Pavodle jaho słoŭ, kamanda MVF rychtujecca da sustreč, jakija adbuducca, i spadziajecca, što kansultacyi projduć kanstruktyŭna.