Ministerstva kultury adkazała pra zakon ab bieł-čyrvona-biełym ściahu
Adkaz pryjšoŭ na imia deputatki Pałaty pradstaŭnikoŭ Hanny Kanapackaj, piša Radyjo Svaboda.
«Kali kazać koratka, to adkaz možna źvieści da adnaho skazu: heta pytańnie nie našaj kampetencyi» — skazała Hanna Kanapackaja.
Pavodle jaje, pakolki ŭ liście ź Ministerstva kultury, jak, darečy, i ŭ adkazach jašče z dvuch ministerstvaŭ — unutranych spraŭ i justycyi, niama staŭleńnia ministerstvaŭ da zakonaprajekta i bieł-čyrvona-biełaha ściaha, to daviadziecca źviartacca ŭ inšyja instancyi. «Kudy kankretna, my vyrašym z majoj kalehaj Alenaj Anisim, tamu što zakonaprajekt ab bieł-čyrvona-biełym ściahu my rychtavali supolna», — udakładniła Kanapackaja.