Vybuchi ŭ Čarnihaŭskaj vobłaści: adna ź viersij — dyviersija
Słužba biaśpieki Ukrainy adpracoŭvaje viersiju pra mahčymuju dyviersiju na vajskovych składach pad Ičnioj, što ŭ Čarnihaŭskaj vobłaści.
Pra heta paviedamlaje «Ukrainskaja praŭda» sa spasyłkaj na pres-słužbu viedamstva.
«Pravaachoŭniki praviarajuć niekalki viersij, u pryvatnaści, Słužba biaśpieki Ukrainy ŭ ramkach svajoj kampietencyi adpracoŭvaje viersiju pra mahčymuju dyviersiju», — havorycca ŭ paviedamleńni.
Pra imaviernaść dyviersii na bryfinhu siońnia paviedamiŭ i namieśnik načalnika Hienieralnaha štaba USU hienierał-major Radzivon Cimašenka.
«Vybuchi adbylisia adnačasova: byli dva vybuchi adnačasova i zatym u inšym kancy arsienała jašče dva vybuchi. Hetyja vybuchi vyklikali pažar. Intensiŭnaść vybuchaŭ u roznych miescach kaža pra toje, što najbolš imavierna — heta dyviersija», - skazaŭ jon.
Jak paviedamlałasia, nočču 9 kastryčnika prahrymieli vybuchi na vajskovych składach z bojeprypasam.
U dadzieny momant haryć terytoryja 6 arsienała Ministerstva abarony pablizu pasiołka Družba. Evakujavana kala 10 000 čałaviek.
Z-za vybuchaŭ na Čarnihaŭščynie zakryli ruch na niekalkich trasach.