Rasija ŭvodzić zabaronu na ekspart naftapraduktaŭ i zvadkavanaha hazu ŭ Biełaruś da kanca 2019 hoda
Rasija ŭvodzić zabaronu na ekspart śvietłych i ciomnych naftapraduktaŭ, a taksama zvadkavanaha vuhlevadarodnaha hazu ŭ Biełaruś ź listapada 2018 hoda da kanca 2019 hoda, skazaŭ ministr enierhietyki Rasii Alaksandr Novak u čaćvier žurnalistam, paviedamlaje Reuters.
Pratakoł, padpisany pamiž Rasijaj i Biełaruśsiu, praduhledžvaje zabaronu na pastaŭki naftapraduktaŭ — ciomnych naftapraduktaŭ, dyzielnaha paliva, skazaŭ jon.
«Jon taksama praduhledžvaje častkova pastaŭki peŭnych naftapraduktaŭ, jakija nie vyrablajucca ŭ Biełarusi i jakija z punktu hledžańnia ŭnutranaha spažyvańnia im nieabchodnyja. Heta asobny pieralik da pratakoła, vialiki pieralik — łakafarbavyja vyraby, chimičnaja pradukcyja, heta značyć pradukcyja naftachimičnych zavodaŭ», — skazaŭ Novak.
Pa aŭtabienzinie, dyzpalivu, mazucie ŭ indykatyŭnym bałansie praduhledžany nulavyja pakazčyki, dadaŭ jon.