Pad Ružanami pieranosiać śvinakompleks, kab smurod nie dalataŭ da sanatoryja Nacbanka
Pra heta paviedamlaje miascovaja hazieta «Rajonnyja budni».
«11 vieraśnia biahučaha hoda ŭ rajvykankamie prajšli hramadskija słuchańni pa pytańni budaŭnictva śvinahadoŭčaha kompleksu va ŭročyščy Vyhada Ružanskaha sielsavieta.
Budaŭničuju placoŭku mierkavałasia vybrać na paŭnočnym zachadzie ad vioski Małočki na adlehłaści 3100 mietraŭ i na paŭdniovym zachadzie ad sanatoryja «Ružanski» na adlehłaści 4900 mietraŭ. Kiraŭnictva sanatoryja «Ružanski» i Nacyjanalnaha banka Respubliki Biełaruś paličyła, što z budaŭnictvam śvinakompleksu ŭ dadzienym miescy niepryjemnyja pachi buduć raspaŭsiudžvacca na terytoryju azdaraŭlenčaj ustanovy.
Jak paviedamiŭ namieśnik staršyni rajvykankama S.M.Huk, pryniata rašeńnie źmianić placoŭku dla budaŭnictva śvinahadoŭčaha kompleksu. Vybrana novaje miesca, jakoje ŭzhodniena z abłvykankamam. Jano znachodzicca na značnaj adlehłaści ad sanatoryja «Ružanski». Chutka pa hetym pytańni adbuducca čarhovyja hramadskija słuchańni», — paviedamlaje vydańnie.